Welcome to the World of Books in all Languages!      Enjoy Free Shipping on all orders!      Thousands of Books to Browse!

உபநிஷதப் பலகணி - மூதறிஞர் ராஜாஜி - Upanishad Palakani

  Store Review (4)

Contact Seller

Book Type:
Paperback

Seller : Bookwomb

test,IN

100% Positive Feedback (4 ratings)

Other Products From this seller


More Products
Availability: In stock
SKU:
VAN B 338
₹18.00
ஆன்மீகம் நூல். 

பேப்பர்பேக்; 
80 பக்கங்கள்; 
மொழி: தமிழ்; 
முதல் பதிப்பு: டிசம்பர் 1996; 
மூன்றாம் பதிப்பு: ஜூன் 2006.

FREE SHIPPING ON ALL ORDERS. 

Prices are inclusive of Tax.

Share
இந்த நூல் உபநிஷதப் பலகணி, ராஜாஜி அவர்களால் எழுதி வானதி பதிப்பகத்தால் வெளியிடப்பட்டது. 

                                                                              உபநிஷதம்

தற்காலப் பள்ளிக்கூடப் படிப்புப் பெற்றவர்கள் நம்முடைய தரும நூல்களைப் படிப்பதேயில்லை; படிக்க விரும்புவதுமில்லை. சிரத்தைக்கும் பக்திக்கும் பதில் அவைகளைக் கண்டால் பயம். வேதாந்தம், கீதை, உபநிஷத்து என்றால் பேயோ பிசாசோ வந்த மாதிரி விலகி நிற்கிறார்கள்.

நம்மில், புதுவகை அறிவு நூல்களைக் கற்றவர்கள் நமக்குரிய பூர்வீக தரும நூல்களைப் படியாமலிருப்பது பலவிதத் தீமையை விளைவித்து வருகிறது. பிற தேசங்களில் இவ்வாறில்லை; படித்த கூட்டம் தங்களுடைய சமூகத்தார் பின்பற்றும் மதநூல்களை அங்கே புறக்கணிப்பது கிடையாது. அதனால் அந்த நாட்டினரின் தரும முறைகள் முற்போக்காளர் காப்பில் இருந்து வருகின்றன. ஹிந்து தருமம் சீர்கெட்ட நிலையிலிருப்பதற்கு ஒரு பெரிய காரணம், நம்முடைய தேசத்தில், மதநூல் புலவருக்கும் மற்றவகைக் கல்வியடைந்தவர்களுக்கு மிடையில் ஏற்பட்டிருக்கும் பிரிவே. நம்முடைய முன்னோர்கள் எழுதி வைத்திருக்கும் அறிய தரும நூல்களைப் புதுவகை அறிவு பெற்றவர்கள் படித்து வைதிகர்களைப்போல் தாங்களும் அவைகளை ஆராய்ந்து பொருள் உரைக்கத் தகுதிபெற்றால், சமுதாயமும் மதமும் வேறு முயற்சியின்றியே தாமாகத் திருந்திவிடும். இதற்காகக் கலாசாலை மாணவர்கள் தங்களுடைய முக்கியமான கடமைகளுள் இதையும் சேர்த்துக்கொண்டு, நம்முடைய பழைய நூல்களை நன்றாய் கவனித்துப் படிக்க வேண்டும்; படித்துச் சமூக முன்னேற்றத்திற்காகத் தொண்டு செய்யவேண்டும்.

ஹிந்து தருமத்திற்குப் பிராமண நூல்களுள் முக்கியமானவை உபநிஷத்துகள். உபநிஷத்துகளில், சீடன் குருவினிடம் மிக நெருங்கி உட்கார்ந்து விஷயம் கேட்டுத் தெரிந்துகொள்ளுகிற முறையில் ஆத்மஞானம் போதிக்கப்படுகிறது. அக்காலத்து வாழ்வு நாம் இந்நாளில் நடத்தும் வாழ்வுக்கு முற்றிலும் வேறானபடியால் பல இடங்களில் விஷயம் விளங்காமலிருக்கும். தவிர, சீடனுக்கு விளக்கிச் சொல்லப்பட்ட விஷயங்களை வெறும் ஞாபகக் குறிப்புகளாகக் கொண்டே அந்நாளில் ரிஷிகள் உபநிஷத்துகளை யாத்தனர். அச்சிட்டு வழங்கித் தனிமையில் படிப்பதற்காக எழுதிய புத்தகங்களல்ல அவை. இக்காரணத்தினாலும் சில இடங்களில் பொருள் விளங்குவது கடினமாகிறது. 

ஆயினும் வாழ்வை நல்வழியில் நடத்தி, மனதைச் சுத்தமாக வைத்துக்கொண்டு, மெய்ப் பொருளில் உண்மைப் பற்றுடன் படிப்பவர்களுக்கு, இந்த உபநிஷத்துகளைப்போல் உதவக்கூடிய நூல்கள் உலகத்தில் வேறில்லை. 

நம்முடைய நாட்டில் அரசுபுரிந்த மொகலாய சக்கரவர்த்திகளுள் ஒருவரான ஷாஜஹானுடைய மூத்த குமாரனும் அவுரங்கஸீப் சக்கரவர்த்தியின் அண்ணனுமான தாரா ஷூகோ என்ற புகழ்பெற்ற மேதாவி, கி.பி.1657-ஆம் ஆண்டில், பல பண்டிதர்கள் உதவியைக்கொண்டு ஐம்பது முக்கியமான உபநிஷத்துகளைப் பார்ஸி பாஷையில் மொழிபெயர்த்தான். இந்தப் பார்சி மொழிபெயர்ப்பை வைத்தே ஐரோப்பியப் புலவர்கள் கி.பி.1801-ல் லத்தீனில் முதன்முதலில் உபநிஷத்துகளை மொழிபெயர்த்தார்கள். உடனே மேல்நாட்டில் உபநிஷத்துகளின் பெருமை பரவிற்று. மொகலாய ராஜ குமாரன் தாராவின் உயர்ந்த அறிவும், சம்ஸ்கிருதப் புலமையும், மேலான குணமுமே, உபநிஷத்துகளின் பெருமை உலகம் முழுதும் பரவுவதற்குக் காரணமாயிருந்தன வென்ற விசித்திரத்தை நாம் என்றும் மறக்கக் கூடாது.

உபநிஷத்துகளில் சொல்லப்படுகிறது என்ன விஷயம், அது எவ்வாறு சொல்லப்படுகிறது என்பதை அறியாமல் கல்விப் பேறுபெற்ற ஹிந்துக்கள் இருந்து வருவது பெரிய அவமானம். நம்மைப் பெற்ற முன்னோர்களில் மகா ஞானிகளும் குணசீலர்களுமான முனிவர்கள்   கண்ட கருத்துக்களை இக் காலத்துச் சிறுவர்களுக்கு அறிமுகப் படுத்தலாம் என்று எழுதிய இந்தப் புத்தகத்தைப் பார்க்கும் பெரியோர்கள், குற்றங்களைப் பொறுத்து, ஆசிர்வதிக்க வேண்டும் என்று கேட்டுக்கொள்ளுகிறேன். 

பொருளடக்கம்: 
01.நசிகேதன்;  
02.தேவர்கள் தோற்றது;  
03.படித்தால் மட்டும் போதாது;  
04.சுவேதகேது;  
05.மைத்திரேயி;  
06.இல்வாழ்க்கை: ஒரு பயிற்சி;  
07.பரம்பொருளின் இலக்கணம்;  
08.சிறு விதைக்குள் மரம் முழுதும்;  
09.ஜலத்தில் கரைந்திருக்கும் உப்புப்போல;  
10.கண்ணைக்கட்டி காட்டில் விட்டவாறு;  
11.குருகுலவாசம் முடிந்ததும்; 
12.தருமநூல் தோற்றுவாய்கள்;  
13.மரக்கட்டைக்குள் மறைந்துள்ள நெருப்பு;  
14.அந்தராத்மா; 
15.சாப்பாட்டில் குற்றம் சொல்லவேண்டாம்; 
16.உலர்ந்த கட்டையும் தளிர்த்துவிடும்; 
17.தண்ணீர்க் குடத்தில் கண்ட ஆத்மா; 
18.வில் வளைத்த தியானம்; 
19.ஒரு உபவாச ஆராய்ச்சி 
20.தியானம்; 
21.கணித நூலுக்கு அடங்காது; 
22.கீதையும் உபநிஷதமும்; 
23. நதிகள் அனைத்தும் கடலில் சேர்ந்துவிடும்;  
24.அறிவுக்கு எட்டாத பொருள்; 
25.முடிவுரை.         
                                                                               
எழுத்தாளர் பற்றி : முறைசாரா முறையில் ராஜாஜி அல்லது சி.ஆர் என்று அழைக்கப்படும் சக்ரவர்த்தி ராஜகோபாலாச்சாரி ஒரு இந்திய அரசியல்வாதி, சுதந்திர ஆர்வலர், வழக்கறிஞர், எழுத்தாளர், வரலாற்றாசிரியர் மற்றும் அரசியல்வாதி ஆவார். 1950-ல் இந்தியா விரைவில் குடியரசாக மாறியதால், ராஜகோபாலாச்சாரி இந்தியாவின் கடைசி கவர்னர் ஜெனரலாக இருந்தார்.
More Information
SKU Code VAN B 338
Weight in Kg 0.450000
Book Type Paperback
Dispatch Period in Days 3
Brand Bookwomb
Author Name மூதறிஞர் ராஜாஜி - Rajaji
Publisher Name வானதி பதிப்பகம் - Vanathi Pathippakam
Write Your Own Review
You're reviewing:உபநிஷதப் பலகணி - மூதறிஞர் ராஜாஜி - Upanishad Palakani

Similar Category Products





Other Books by மூதறிஞர் ராஜாஜி - Rajaji