Welcome to the World of Books in all Languages!      Enjoy Free Shipping on all orders!      Thousands of Books to Browse!

நில்லுங்கள் ராஜாவே - Nillungal Rajave

  Store Review (4)

Contact Seller

Book Type:
Paperback

Seller : Bookwomb

test,IN

100% Positive Feedback (4 ratings)

Other Products From this seller


More Products
Availability: Out of stock
SKU:
TMN B 252
₹60.00
வகை : கதைகள்; 
எழுத்தாளர் : சுஜாதா;  
பதிப்பகம் : விசா பப்ளிகேஷன்ஸ்;  
பக்கங்கள் : 104; 
பதிப்பு : 7; 
வெளியிடப்பட்ட ஆண்டு : 2007

FREE SHIPPING ON ALL ORDERS. 

Prices are inclusive of Tax.

Share
ஆசிரியர் சாவி ஒவ்வொரு முறை புதிய பத்திரிகை ஆரம்பிக்கும் போதெல்லாம் தவறாமல் முதல் இதழிலியே என்னைத் தொடர்கதையோ சிறுகதையோ எழுதச் சொல்வார். என் எழுத்தின் மேல் அவருக்கு மிகுந்த மதிப்பு இருந்தது. என்னைப் போலவே பல எழுத்தாளர்களையும் அவர் மதித்து ஆதரித்தார். சாவி அவர்கள் முரசொலி நிறுவனத்தின் 'குங்குமம்' இதழை விட்டுவிட்டு தன சொந்தப் பத்திரிகையான 'சாவி'யைத் துவங்கியபோது அதைக் குறைந்த விலையில் நிறைய பிரதிகள் போகவேண்டும் என்று தீர்மானித்து நியூஸ் பிரிண்ட்லேயே முழு இதழையும், அட்டையில் வழவழப்பு இல்லாமல் அச்சடித்தார். முதல் பிரதி நிறைய விலை போயிற்று. ஆனால் கொஞ்சம் கொஞ்சமாக சரிய ஆரம்பித்ததும், சட்டென்று அதை வழக்கமான ஆர்ட் காகிதம், அழகிய சினிமா நடிகை அட்டைப்பட பாணிக்கு மாற்றியதும் 'சாவி' இதழ் சுதாரித்துக் கொண்டது.

இன்றும் தமிழில் வெகுஜனப் பத்திரிகைகள் இந்தப் பழக்கத்திலிருந்து விடுபடவில்லை. நன் குமுதம் ஆசிரியராக இருந்தபோது இதை மாற்றப் பார்த்தேன். ஒரு அட்டைப் படத்தில் ஆண் நடிகரைப் போட்டேன். விஷப்பரீட்சை! சரேல் என்று ஒரு லட்சம் சர்க்குலேஷன் விழுந்தது. உடனே அழகிய (பெண்) முகங்களுக்குத் திரும்பினேன்.

சாவி முதல் இதழிலேயே, 'நில்லுங்கள் ராஜாவே' தொடங்கியது. இந்தக் கதையை இன்று படிக்கும் மனோதத்துவ டாக்டர்கள், இதன் கதாநாயகனுக்கு Multiple Personality Disorder அல்லது Identity Dissociation இருப்பதாகப் தீர்மானிக்கலாம். 'நில்லுங்கள் ராஜாவே' பிலானியில் பொறி இயல் படிக்கும் தமிழ் மாணவர்களால் இரண்டு முறை நாடகமாக நடிக்கப்பட்டது. அவர்கள் எல்லாம் இப்போது அமெரிக்காவில் இருக்கிறார்கள்;

'நில்லுங்கள் ராஜாவே', பத்திரிகை அவசரங்களைக் கருதி ஒரு தலைப்புக்கு கொடுக்கப்பட்டு தைரியமாக ஆரம்பித்துவிட்டுப் போகப்போக பிடி கொடுத்த கதை. ஓர் எழுத்தாளனக்கு பரிபூர்ண சுதந்திரம் அளித்த திரு. சாவி அவர்கள் நினைவில் இந்தக் கதை புதிய பதிப்பாக வருவதில் எனக்கு மகிழ்ச்சி. இதை சிறப்பாகப் கொண்டு வரும் விசா பப்ளிகேஷனுக்கு மற்றொரு முறை நன்றி.  

-சுஜாதா, மே 2004


நீங்கள், நீங்கள் இல்லை. வேறு யாரோ! இப்படி ஒருவர் அல்ல, அக்கம் பக்கத்தில் இருப்பவர்கள், உடன் வேலை பார்ப்பவர்கள், உங்கள் மனைவி, குழந்தை... எல்லோரும் சொன்னால் உங்களுக்கு எப்படி இருக்கும்? உச்சக்கட்டமாக வீட்டு நாய்கூட அடையாளம் தெரியாமல் குரைத்து வைக்கிறது, பிடுங்க வருகிறது. இப்படி, யாரும் எதிர்பாராத ஒரு புதுச் சிக்கலுடன் பரபரப்பாகத் தொடங்குகிறது நாவல். 

எழுத்தாளர் சுஜாதா: சுஜாதா (இயற்பெயர் எஸ். ரங்கராஜன் )

தமிழ்நாட்டில் பத்திரிக்கை, புத்தகம் படிக்கிறவர்கள் எல்லோருக்கும் தெரிந்த பெயர். இவர் நூற்றுக்கு மேற்பட்ட சிறுகதைகளும், ஐம்பதுக்கு மேல் நாவல்களும், கட்டுரைகளும், விமர்சனங்களும், விளக்கங்களும் எழுதியுள்ளார். தமிழில் விஞ்ஞானக்  கதைகள் எழுத முன்வந்தவர்களில் முதன்மையானவர். இவர் எழுதிய அறிவியல் சிறுகதைகள் "வடிவங்கள்", "தேவன் வருகை" போன்ற தொகுப்புகளில் வந்துள்ளன. "என் இனிய இயந்திரா" இவர் எழுதிய அறிவியல் புதினம். இது பல பதிப்புகள் வெளிவந்து ஒரு தொலைக்காட்சித் தொடராகவும் வந்தது. இதன் மேல் எம்ஃபில், டாக்ட்ரேட் ஆராய்ச்சிகளும் செய்யப்பட்டன. இந்தக் கதை வெளிவந்த பின் பலபேர் தங்கள் வெட்டு செல்லப் பிராணிகளுக்கு "ஜீனோ" என்று பெயரிட்டார்கள். இந்தக் கதையின் தொடர்ச்சிதான் "மீண்டும் ஜீனோ" என்னும் இந்த நாவல். சுஜாதா தன் பன்முகத் திறமைகளின் வெளிப்பாடாக  ஸ்டெர்லிங் டிஎஸ்எல் நிறுவனத்தின் "அம்பலம்" என்னும் இணைய இதழை நிர்வகித்தார். பெண்ட்டா மீடியா கிராஃபிக்ஸ் நிறுவனத்துக்கு ஆலோசகராக கணிப்பொறி சார்ந்த திரைப்படங்களுக்கு உதவி உள்ளார். மீடியா ட்ரீம்ஸ் நிறுவனத்தின் டைரக்டராக தரமான திரைப்படங்கள் உருவாவதற்கு காரணமாக இருந்திருக்கிறார். சுஜாதா இணையத்தைப் (இன்டர்நெட்) பற்றி எழுதிய "வீட்டுக்குள் வரும் உலகம்", அறிவியல் கேள்விகளுக்கு பதில்கள் தந்த "ஏன்? எதற்கு? எப்படி?" போன்ற புத்தகங்கள் பதிப்பியலில் சரித்திரம் படைத்தன. 
More Information
SKU Code TMN B 252
Weight in Kg 0.040000
Book Type Paperback
Brand Bookwomb
Author Name Sujatha சுஜாதா
Publisher Name Thirumagal Nilayam திருமகள் நிலையம்
Write Your Own Review
You're reviewing:நில்லுங்கள் ராஜாவே - Nillungal Rajave

Similar Category Products





Other Books by Sujatha சுஜாதா